Skýrsla stjórnar 2003

Nefndarfundir:
Á starfsárinu hafa nefndarfundir verið ellefu talsins.

Þar af voru snertifundir fimm, símafundir fimm og einn fundur um fjarfundarbúnað. Þannig hefur stjórnin kappkostað að halda snertifundum í lágmarki og þar með kostnaði niðri við fundarhöld þrátt fyrir marga fundi.

Á milli funda tekur framkvæmdastjórn minniháttar ákvarðanir ef þurfa þykir. Í framkvæmdastjórn sitja formaður, varaformaður og framkvæmdastjóri. Framkvæmdastjórn hefur fundað tvisvar á óformlegum fundum í síma.

Formaður hefur auk þess setið tvo samstarfsfundi ásamt frkvstj. með fulltrúum frá Landsvirkjun og Impregilo.

Formaður og framkvæmdastjóri hafa setið tvo fundi samtaka heilbrigðiseftirlitssvæða SHÍ á starfsárinu. Á þessum fundum snérist umræðan um hlutverk Umhverfisstofnunar og þá einkum samræmingarhlutverk hennar. Þá var rætt um samræmingu á skilgreiningum á hugtökum um veitinga- og gististaði. Nokkrar umræður voru á báðum þessum fundum um Matvælastofu, sem virðist vera öllum eftirlitsvæðunum jafnmikið áhyggjuefni. Á aðalfundi SHÍ sem haldinn var núna þessari viku var einkum fjallað um úrskurði og mættu þrír lögfræðingar frá Umhverfisráðuneytinu á fundinn. Rætt var um fordæmisgildi slíkra úrskurða og hvernig kynning á þeim færi fram.

Breytingar hafa orðið í stjórninni á starfsárinu. Ástríður Baldursdóttir flutti af Djúpavogssvæðinu og hennar stað var Björn Hafþór Guðmundsson skipaður í nefndina. Guðmundur Sveinsson Kröyer vék úr nefndinni vegna anna og í hans stað hefur Sigurður Ragnarsson verið skipaður. Fulltrúi náttúruverndarnefnda var skipaður Árni Ragnarsson. Þeim sem úr stjórn hafa gengið á tímabilinu eru þökkuð vel unnin störf og nýjir menn boðnir velkomnir.

Fyrir ársfundinum liggur tillaga um breytingu á stofnsamningi þar sem gerð er tillaga um að framvegis verði skipað í stjórn heilbrigðisnefndar á fyrsta aðalfundi SSA eftir sveitarstjórnarkosningar. Að mati stjórnar er hér um nauðsynlega breytingu að ræða í ljósi reynslunnar eftir síðustu kosningar en þá tók alltof langan tíma að fullskipa nýja nefnd. Það yrði væntanlega hlutverk nefndanefndar SSA að tilnefna í stjórnina en sú nefnd hefur gott yfirlit yfir skipan í flestar nefndir sem samstarf er um innan fjórðungs.

Starfslið og skrifstofurekstur:
Sem fyrr þjóna Helga Hreinsdóttir og Árni J. Óðinsson norðursvæðinu og Fjarðabyggð auk sérverkefna, Hákon Hansson þjónar Suðurfjörðunum og Tómas Ísleifsson þjónaði Hornafirði til 1.9. sl. en hefur nú látið af störfum. Júlía Siglaugsdóttir var ráðin í hlutastarf á árinu 2002 en hefur nú verið ráðin í 60% starf. Síðla sumars var auglýst eftir starfsmanni á Hornafjarðarsvæðið sem hafið gæti störf í sept. Einn umsækjandi var um starfið, Sigrún Hallgrímsdóttir, matvælafræðingur en hún er búsett á Djúpavogi. Sigrún getur ekki hafið störf fyrr en um næstu áramót, en í ljós þess hversu erfiðlega hefur gengið að fá starfmann á þetta svæði var ákveðið að auglýsa starfið ekki aftur heldur ganga til samninga við Sigrúnu. Á síðasta fundi nefndarinnar var samþykkt að auglýsa eftir nýjum starfsmanni í fullt starf á miðsvæðið, vegna mikilla anna á því svæði vegna stórframkvæmda. Var samþykkt að auglýsa starfið sem tveggja ára starf. Ljóst er að miklar annir verða á næstu árum á þessu svæði og þörfin fyrir viðbótarstarfskraft á þetta svæði er búin að vera til staðar í marga mánuði.

Sem fyrr er aðalskrifstofa eftirlitsins á Reyðarfirði en einstakar starfsstöðvar fylgja búsetu starfsmanna og hefur það fyrirkomulag reynst ágætlega. Nú er hins vegar ljóst að ekki verður lengur hjá því komist að opna skrifstofu á Egilsstöðum enda álagið mest á því svæði. Á síðasta fundi nefndarinnar var framkvæmdastjóra falið að finna aðstöðu fyrir skrifstofu á Egilsstöðum, en jafnframt verða lagðar niður starfsaðstöður á heimilum starfsmanna á Egilsstöðum. Þrátt fyrir þetta verður áfram skrifstofa á Reyðarfirði og lögheimli og varnarþing Haust verður áfram í Fjarðabyggð.

Eftirlitsáætlun
Áætlun um eftirlit ársins 2002, þ.e. heimsóknir í fyrirtæki, sýnatökur og sérverkefni stóðst bærilega. Lögð var áhersla á að öll fyrirtæki á eftirlitsskrá væru heimsótt og að eftirlitið væri sýnilegt. Fyrirtæki sem þurfti að heimsækja endurtekið vegna vanefnda eða brota á reglugerðum fengu senda reikninga vegna aukaverka. Af hálfu matvælasviðs og rannsóknastofu Hollustuverndar voru skipulögð átaksverkefni á landsvísu til að kanna merkingar og/eða gerlamagn í matvælum og fá heildaryfirsýn yfir stöðuna. HAUST tók þátt í öllum þessum verkefnum og telur gagnlegt að fá samanburð á stöðu fyrirtækja hér á Austurlandi í samanburði við önnur svæði.

Á árinu 2003 hefur reynst örðugt að halda áætlun. Af hálfu heilbrigðisnefndar og starfsmanna er lögð áhersla á að sinna reglubundnu eftirliti með fyrirtækjum sem eru með starfsemi. Þróunarverk og nýir flokkar eftirlitsskyldrar starfsemi hafa verið látin sitja á hakanum. Þannig hefur ekki tekist að hefja starfsleyfisvinnslu fyrir litlar vatnsveitur eins og til stóð. Eftirlitsverkefni svo sem með rafvélaverkstæðum, netagerðum og malartekju hafa einnig setið á hakanum. Reynt hefur verið að taka þátt í átaksverkefnum á vegum Umhverfisstofnunar og heilbrigðiseftirlitssvæða, en því miður hefur seinni part ársins þurft að gefa upp á bátinn þátttöku í nánast öllum samstarfsnefndum og vinnu við umsagnir um nýjar reglugerðir, lög og starfsleyfisskilyrði hefur verið ýtt til hliðar. Þetta er mjög bagalegt, því brýnt er að rödd landsbyggðar heyrist vel í slíkri vinnu.

Sérstök málefni í eftirlitinu
Tóbakssölulögin
Breyting á tóbakslögum hafði í för með sé allnokkra vinnu við útgáfu tóbakssöluleyfa, sem er nýtt verkefni fyrir HAUST. Eftirlit með tóbakssölu er fellt inn í eftirlitsáætlun með annarri starfsemi viðkomandi fyrirtækja til að halda kostnaði í lágmarki. Ekki eru farnar sérsakar eftirlitsferðir nema ef kvartanir berast vegna brota tóbaksvarnarlögum.

Neysluvatnsreglugerð
Ný neysluvatnsreglugerð tók gildi um mitt ár 2001. Skv. henni aukast verkefni heilbrigðiseftirlits mikið, enda eru með henni allar vatnsveitur sem þjóna 50 manns og/eða 20 heimilum (þ.m.t. sumarbústöðum) starfsleyfisskyldar, sem og minni vatnsveitur sem þjóna hvers konar matvælaframleiðslu, þ.m.t. ferðaþjónustu og mjólkurfarmleiðslu. Ennfremur er krafa um mun ítarlegri rannsóknir á neysluvatni og kostnaður við sýnatökur hækkar umtalsvert fyrir stærri vatnsveiturnar.

Heilbrigðisnefnd ákvað að kynna reglugerðina vel á árinu 2002 með bréfaskriftum og kynningarbæklingum, en hefja vinnu skv. henni 2003.

Tölvumál
Á vegum Hollustuverndar og embættis yfirdýralæknis var hannað tölvuforrit á GoPro grunni. Kerfið er hugsað sem sameiginlegt skráningarkerfi fyrir þessa aðila. HAUST keypti kerfið og byrjaði að vinna með það seint á árinu. Síðan hefur komið í ljós að kerfið var ekki fullhannað og mikið af göllum var í sérskriftum þess, þannig að eftir nokkra mánuði var kerfið lagt til hliðar. Beðið verður eftir frekari þróun þess, áður en það verður tekið upp á ný, en á meðan verður skráning öll og gagnasöfnun nokkuð frumstæð.

http://haust.is/
Heimasíða HAUST var formlega opnuð í mars 2002. Ákveðið var að hafa síðuna létta upplýsingasíðu með fundargerðum, upplýsingum um nefndarmenn og starfsfólk, umsóknareyðublöðum, tenglum inn á upplýsingasíður o.þ.h. en nýta hana annar til að beina fólki á rétta staði hvað varðar frekari upplýsingar.

Virkjanamál og stóriðja
Mikil vinna var á árinu í kringum virkjanamál og stóriðju. Mikill tími fór í lestur gagna og umsagnir vegna virkjana, gangnagerða o.þ.h., en einnig í bréfaskriftir og fundi með verktökum, til að kynna þeim aðkomu HAUST og reyna að opna og einfalda ferli við starfsleyfisvinnslu og eftirlit. Brunavarnir, vinnueftirlit o.fl. hafa komið að þessari vinnu og ekki verður annað séð en þessi vinna hafi skilað nokkru í auðveldari samskiptum aðila.

Yfirtaka eftirlits með starfsemi sem Hollustuvernd (núverandi Umhverfisstofnun) vinnur starfsleyfi fyrir. Eins og kunnugt er hefur HAUST með sérstökum samningum við Hollustuvernd með höndum eftirlit með sorpförgunarstöðum og fiskimjölsverkmiðju f.h. Hollustuverndar. Með þessu móti er eftirlitið nær vettvangi, viðbragðshraði meiri og tekjur af eftirlitinu skila sér heima. Heilbrigðisnefnd hefur sótt um að fá samskonar samning og þannig eftirlit með stórum fiskeldisstöðvum, olíubirgðastöðvum og álveri þegar þar að kemur. Þessum erindum hefur verið hafnað af hálfu Umhverfisstofnunar.

Loðdýrabú.
Í byrjun ársins heimsótti starfsmaður HAUST öll loðdýrabú á Austurlandinu. Í framhaldi af því tók HAUST virkan þátt í að vinna upp starfsleyfisskilyrði fyrir loðdýrabú, sem nú er unnið eftir á öllu landinu. Flest loðdýrabú á Austurlandinu eru nú komin með starfsleyfi.

Ný verkefni - framtíðarsýn
Framundan eru ný verkefni, sem munu enn verða til þess að starfsemi heilbrigðiseftirlits mun aukast. Sem dæmi má minna á vatnsveiturnar, sem kom af vaxandi þunga inn á næstu árum, einnig má minna á leikvelli og öryggiseftirlit með leiktækjum, sem heilbrigðiseftirliti er falið með nýrri reglugerð, malartekja, tímabundin starfsemi hvers konar sem og eftirlit með framkvæmdum á virkjanasvæði norðan Vatnajökuls. Sérstök vandamál hafa fylgt eftirliti með virkjunarsvæðinu að ekki er byggingareftirlit á virkjunarsvæðum. Þannig eru teikningar ekki í samræmi við byggingarreglur og hefur þetta skapað ómæld vandræði við eftirlitið. Ljóst er þegar um jafn viðamiklar framkvæmdir er að ræða og á Kárahjúkasvæðinu væri full þörf á byggingareftirliti og furðulegt að verða vitni að því að þarna skuli vera að rísa heilt þorp á stærð við stærri sveitarfélög á Austurlandi án slíks eftirlits. Álagið á heilbrigðiseftirlitið verður því miklu meira fyrir vikið. Þörfin á sérstökum samráðsfundum við aðila á þessu svæði er ekki síst tilkomin vegna þessa.

Matvælastofnun hefur verið í umræðunni og fram er komið frumvarp sem felur í sér sameiningu alls matvælaeftirlits í landinu í einni ríkisstofnun. Flestir eru sammála um nauðsyn þess að sameina stofnanir sem reknar eru á vegum ríksins og sinna skildum verkefnum saman. Heilbrigðiseftilritssvæðin leggjast hins vegar öll gegn því að matvælaeftirlit það sem hefur verið hjá heilbrigðiseftirliti sveitarfélaga verið færð til ríkis. Mikilvægt er að eftirlit sé sem næst vettvangi og nær að færa saman eftirlit á vegum dýralækna og fiskistofu til sveitarfélaganna en öfugt, enda er sjálfsagt að aðskilja þau stjórnsýslustig sem setja viðmið og reglur annars vegar og hins vegar þau sem fara með beint eftirlit.

Önnur verkefni
Áfram mun verða sótt á um að eftirlit með fiskeldi, álveri og olíubirgðastöðvum verði flutt til heilbrigðiseftirlitsins. Ekkert er því til fyrirstöðu að taka þessi verk að sér enda eðlilegt að þessi verkefni séu færð heim í hérað.

Fjarðabyggð 30.10 .2003

Ólafur Hr. Sigurðsson, Formaður heilbrigðisnefndar

Helga Hreinsdóttir, framkvæmdastjóri

Heilbrigðisnefnd, ágúst 2003

A&Ý;ALMENN:
Ólafur Sigurðsson, formaður
	Breiðabliki 11, 740 Neskaupsstaður netfang: This email address is being protected from spambots. You need JavaScript enabled to view it.	hs. 472-1698	vs. 477-1124
Þorsteinn Steinsson
	Hamrahlíð 15, 690 Vopnafjörður netfang: This email address is being protected from spambots. You need JavaScript enabled to view it.	hs. 473-113	vs. 473-1300
Sigurður Ragnarsson
	Mánatröð 12, 700 Egilsstaðir netfang: This email address is being protected from spambots. You need JavaScript enabled to view it.	hs. 471-2019 GSM 860-3519	vs. 471-2011
Björn Hafþór Guðmundsson
	Kambi 8, 765 Djúpivogur netfang: This email address is being protected from spambots. You need JavaScript enabled to view it.	hs.478-8113	vs.478-8288
Egill Jónasson, varaformaður
	Hagatúni 11, 780 Hornafjörður netfang: This email address is being protected from spambots. You need JavaScript enabled to view it.	hs. 478-1294	vs. 470-8134
Árni Ragnarsson, fulltrúi Náttúruverndarnefnda
	Hjallvegur 3, 730 Reyðarfjörður netfang:This email address is being protected from spambots. You need JavaScript enabled to view it.	hs. 474-1191	vs. 470 1018
Benedikt Jóhannsson, fulltrúi Samtaka atvinnurekenda
	Fögruhlíð 9, 735 Eskifjörður netfang: This email address is being protected from spambots. You need JavaScript enabled to view it.	hs. 476-1463	vs. 470-6004
VARAMENN:
Anna María Sveinsdóttir
	Rjóðri, 755 Stöðvarfirði netfang: This email address is being protected from spambots. You need JavaScript enabled to view it.	hs. 475-8842	farsími: 851-1842
Ásmundur Þórarinsson
	Vífilsstaðir, 701 Egilsstaðir netfang: This email address is being protected from spambots. You need JavaScript enabled to view it.	hs. 471-1912	farsími: 853-7883
Tryggvi Harðarson
	710 Seyðisfjörður netfang: This email address is being protected from spambots. You need JavaScript enabled to view it.	vs. 472-1304	fax. 472-1588
Björn E. Traustason
	Kirkjubraut 59, 780 Hornafjörður netfang: This email address is being protected from spambots. You need JavaScript enabled to view it.	hs. 478-1397
Ástríður Baldursdóttir
	Hæðargarði 1, 781 Hornafjörður netfang: This email address is being protected from spambots. You need JavaScript enabled to view it.	hs. 478-8938
Benedikt Sigurjónsson, fulltrúi Náttúruverndarnefnda
	Ekrustíg 4, 740 Neskaupsstaður netfang: This email address is being protected from spambots. You need JavaScript enabled to view it.	hs. 477-1664	vs. 477-1181
Svanbjörn Stefánsson, fulltrúi Samtaka atvinnurekenda
	Starmýri 9, 740 Neskaupstaður netfang: This email address is being protected from spambots. You need JavaScript enabled to view it.	hs. 477-1477	vs. 892-2511

Starfslið HAUST 2003

Auk svæðisskiptingar eru nokkur sérhæfing meðal starfsmanna, þannig er ÁJÓ með nánast allar bensínstöðvar en HHr með megnið af eftirliti með sorpförgun og bræðslum.